Соединетите Американски Држави не успеаја да ги постигнат своите воени цели во војната против Иран, што вклучува брза воена победа и промена на режимот во Иран, изјави денес иранскиот министер за надворешни работи, Абас Аракчи.
Според него, во моментов нема преговори меѓу Техеран и Вашингтон, но САД испраќаат пораки преку разни посредници, што „не значи дека преговорите се во тек“, пренесува Ал Џезира.
Тој ги замоли соседните земји да се „дистанцираат“ од САД.
„Одговорите на Иран на нападите на САД покажаа дека ниедна земја не може да ја загрози нашата безбедност“, рече Аракчи.
Тој повтори дека Иран не бара војна и сака траен крај на конфликтот, додавајќи дека Техеран бара надомест за штетата предизвикана од нападите.
Аракчи истакна дека секој политички договор мора да вклучува преземање одговорност и „надомест за реконструкција“.
Тој изјави дека иранското раководство ги разгледува американските мировни предлози, но исто така истакна дека нема намера да разговара со Вашингтон.
Аракчи оцени дека САД не успеале да ги заштитат земјите од регионот, и покрај тоа што таму имаат свои воени бази.
