Заканите, демнењето и повторуваното насилство се предупредувања што бараат навремена реакција. Но, што се случува откако жената ќе побара помош и дали пријавата води до вистинска заштита?

Регионалната конференција за фемицид во Скопје ја стави во фокус одговорноста на институциите да ги препознаат ризиците, да разменуваат информации и да дејствуваат координирано. Механизмот „Фемицид воч“, кој се развива со поддршка од ОБСЕ, треба да помогне пропустите од претходните случаи да се преточат во подобра превенција, пред уште еден живот да биде изгубен.