Музичарот Марио Стојановски создаде уникатни аранжмани на 20 македонски народни и традиционални песни кои ги сними во два студиски албуми „Македонска хармоника 1“ и „Македонска хармоника 2“.

Песните кои ги свиреле неговите дедо и татко останале длабоко врежани во неговата музичка меморија и затоа ги одбрал за да им даде едно ново руво, и да останат сочувани со специфични и оригинални аранжмани отсвирени само со хармоника.

Неговата цел е да се покаже и карактеристичниот македонски израз на хармониката, инструмент кој се поврзува повеќе со Италија, Франција и Русија, односно да се остави музички запис кој сега е достапен за секого