OpenAI do të fillojë të shtojë filigranë të padukshëm në tekstet e gjeneruara nga ChatGPT dhe Codex në Bashkimin Evropian (BE) gjatë javëve të ardhshme.
Kjo masë vjen pasi Akti i BE-së për Inteligjencën Artificiale kërkon që ofruesit e sistemeve të inteligjencës artificiale gjeneruese t’i bëjnë tekstet e gjeneruara nga inteligjenca artificiale të identifikueshme në një format të lexueshëm nga makineritë.
OpenAI tha se teknologjia e saj, e quajtur textGrain, vendos një sinjal statistikor të padukshëm në fjalët e përzgjedhura nga modelet e saj. Një detektor mund të kërkojë më pas këtë sinjal për të vlerësuar nëse një tekst përmban filigranin e OpenAI-së.
Kompania paralajmëroi se teknologjitë për vendosjen dhe zbulimin e filigranëve në tekst janë ende në fazat e hershme dhe kanë kufizime të konsiderueshme.
Tekstet më të shkurtra janë më të vështira për t’u zbuluar, ndërsa redaktimi, parafrazimi ose përkthimi mund ta dobësojnë filigranin.
OpenAI gjithashtu theksoi se zbulimi i një filigrani nuk dëshmon se një tekst është gjeneruar tërësisht nga inteligjenca artificiale, ndërsa mungesa e tij nuk dëshmon se teksti është shkruar nga një njeri.
OpenAI po hap aplikimet për qasje në detektorin e saj të filigranëve, duke e kufizuar fillimisht përdorimin tek studiuesit e miratuar dhe organizatat eksperte.
OpenAI tha se zbatimi gradual i kësaj teknologjie pasqyron si kërkesat e Akti të BE-së për Inteligjencën Artificiale, ashtu edhe kufizimet e teknologjisë aktuale të filigranëve.
