Sekretari amerikan i Shtetit, Marco Rubio, u takua të enjten me ministrin e Jashtëm rus, Sergey Lavrov, në margjinat e takimit të ministrave të Jashtëm të Shoqatës së Kombeve të Azisë Juglindore (ASEAN), në Manila të Filipineve.

Rubio dhe Lavrov dolën para mediave përpara nisjes së bisedimeve. Rubion e shoqëruan ambasadori amerikan në Indi dhe i dërguari i posaçëm për Azinë Jugore dhe Qendrore, Sergio Gor, këshilltari i Departamentit të Shtetit, Dan Holler, dhe nënsekretarja e Shtetit për Çështjet Politike, Allison Hooker.

Lavrovin e shoqëruan ambasadori rus në ASEAN, Evgeny Zagaynov, zëvendësministri i Jashtëm, Andrey Rudenko, dhe drejtori i Departamentit për Planifikimin e Politikës së Jashtme në Ministrinë e Jashtme ruse, Alexey Drobinin.

Gazetarët u dëgjuan duke e pyetur Rubion nëse do të ngrinte pretendimet se Rusia kishte ndihmuar Iranin të sulmonte trupat amerikane në Lindjen e Mesme, ndërsa Lavrovin se kur Moska do t’i ndalte sulmet ndaj Ukrainës.

Asnjëri prej tyre nuk u përgjigj, përpara se një anëtar i stafit t’i shoqëronte gazetarët jashtë sallës.