Presidenti i Türkiyes, Recep Tayyip Erdoğan, të martën priti me ceremoni zyrtare në Ankara Presidentin e Polonisë, Karol Nawrocki.

Njësi kalorësie shoqëruan automjetin zyrtar të Nawrockit nga rruga përpara kompleksit presidencial deri te porta e protokollit.

Erdoğan e priti Nawrockin në hyrjen kryesore, dhe ndërsa të dy udhëheqësit zinin vendet në zonën e ceremonisë, banda ushtarake interpretoi himnet kombëtare të Türkiyes dhe Polonisë.

Ceremonia përfshiu gjithashtu flamuj dhe ushtarë që përfaqësonin 16 shtetet historike turke, ndërsa u realizua përshëndetje me 21 të shtëna topi.

Nawrocki përshëndeti Regjimentin e Gardës Presidenciale duke thënë turqisht: “Përshëndetje ushtarë”.

Më pas, dy liderët prezantuan delegacionet e tyre me njëri-tjetrin.

Erdoğan dhe Nawrocki më vonë pozuan për mediat përpara flamujve turk dhe polak, pas një shtrëngimi duarsh në shkallët e kompleksit.

Pas ceremonisë, ata vijuan me një takim dypalësh dhe pritet të mbajnë konferencë të përbashkët për shtyp. Erdoğan gjithashtu do të shtrojë një darkë zyrtare në nder të Nawrockit.

Në ceremoni morën pjesë edhe ministri i Jashtëm Hakan Fidan, ministri i Mbrojtjes Kombëtare Yasar Guler, Drejtori i Komunikimeve Burhanettin Duran, Shefi i Shtabit Hasan Dogan, Sekretari i Përgjithshëm Presidencial Hakki Susmaz, këshilltari kryesor për politikën e jashtme dhe sigurinë Akif Çagatay Kiliç, Ambasadori i Türkiyes në Varshavë, Rauf Alp Denktas, dhe guvernatori i Ankarasë Yakup Canbolat.