Presidenti turk, Recep Tayyip Erdoğan, shënoi të premten gjashtëvjetorin e rihapjes së Xhamisë së Madhe të Ayasofyas për adhurim.

Në një postim në platformën turke të mediave sociale NSosyal, Erdoğan shkroi: “Gjashtë vjet më parë, pikërisht sot, Ayasofya rifitoi identitetin e saj origjinal pas 86 vjetësh pritjeje. Me vullnetin e Zotit, kjo faltore e bekuar do të vazhdojë të jehojë përgjithmonë nga thirrja e ezanit. Qoftë i bekuar ringjallja e  Ayasofyas”.

E ndërtuar fillimisht si kishë, Ayasofya shërbeu si vend adhurimi për të krishterët për 916 vjet, deri në çlirimin osman të Istanbulit në vitin 1453, kur Sulltan Mehmeti II e shndërroi atë në xhami përmes vakëfit të tij.

Ajo mbeti xhami deri në vitin 1934, kur me një dekret të Këshillit të Ministrave u shndërrua në muze, status që e ruajti për 86 vjet.

Më 10 korrik 2020, Këshilli i Shtetit i Türkiyes shfuqizoi dekretin e vitit 1934, duke i hapur rrugën rihapjes së monumentit si xhami.