Ministri i Punëve të Jashtme i Türkiyes, Hakan Fidan, ka zhvilluar biseda të ndara telefonike me homologun e tij egjiptian, Badr Abdelatty dhe atë saudit, Faisal bin Farhan, për të diskutuar zhvillimet në rajon.

“Vlerësuam problemet që kanë dalë gjatë zbatimit të planit të paqes për Gazën dhe hapat që mund të ndërmarrim”, tha Fidan në platformën turke të mediave sociale NSosyal, duke theksuar se të dy ministrat ishin pjesë e kontakteve të tij diplomatike lidhur me zhvillimet e fundit rajonale.

Ministrat diskutuan gjithashtu zhvillimet e fundit në Siri. 

Fidan tha se ata rikonfirmuan mbështetjen e tyre të fortë për përpjekjet për vendosjen e paqes dhe stabilitetit në Palestinë.

Bisedimet përfshinë gjithashtu situatën në Ngushticën e Hormuzit dhe gjendjen e fundit të negociatave mes vendeve të përfshira në mosmarrëveshje.

“Si tre vende vëllazërore që duan paqe dhe prosperitet në rajonin tonë, ne do të vazhdojmë të forcojmë bashkëpunimin dhe koordinimin tonë në të gjitha fushat”, tha Fidan.