Американскиот претседател Доналд Трамп денес изјави дека постојат „многу добри шанси“ да се постигне договор со Иран пред да отпатува во Кина.

„Мислам дека ќе имаме многу добри шанси повторно да постигнеме договор“, изјави Трамп за Пи-Би-Ес, додавајќи дека иако постигнувањето договор пред следната недела би било „идеално“, тоа не е услов.

Државната посета на Трамп на Кина е закажана за 14 и 15 мај во Пекинг.

Сепак, претседателот предупреди дека ако преговорите не успеат, Вашингтон ќе „се врати на старите патеки“, алудирајќи на продолжување на кампањата за силно бомбардирање.