Малезискиот премиер Анвар Ибрахим изјави дека „нема индикации“ за пренасочување на било какви чипови кон Кина, откако изби скандалот со „Енвидија“.

Јенсен Хуанг си поднесе оставка од позицијата главен извршен директор на „Енвидија“ по наводите дека бил во вонбрачна врска со бизнисменката Алис Хуанг која САД ја поврзува со кинеските разузнавачки служби.

Премиерот Анвар додаде дека Малезија „не добила никакво формално барање“ од Сингапур или САД во врска со прашања поврзани со сингапурската компанија Мегаспид која ги откупувала чиповите од Енвидија, а потоа наводно скришно ги пренесувала во Кина.

Алис Хуанг изјави дека го поздравува надзорот на американската влада и е подготвена да соработува со властите поради наводите за кинеска шпионажа.

„Мегаспид ги сфаќа своите обврски за усогласеност според американските закони за контрола на извозот исклучително сериозно“, соопшти компанијата, опишувајќи ја усогласеноста како фундаментален приоритет.

Пекинг ги отфрли тврдењата за шпионажа како „изговор“ за воведување технолошки блокади врз Кина.

Сепак, американски Си-Ен-Ен објави дека американската разузнавачка заедница „не е сигурна дали бизнисменката вршела шпионажа врз Енвидија во корист за Кина“.

Јенсен се повлече од директорската позиција по основањето на компанијата во 1993 година, и им се извини на своето семејство и компанијата за вонбрачните афери.

Малезиското министерство за инвестиции, трговија и индустрија (МИТИ) разјасни дека „никогаш не дало дозвола“ за Мегаспид или нејзината малезиска подружница, Спидматрикс.

Спидматрикс е еден од најголемите закупци на центри за податоци во Малезија.

„Како закупец на центри за податоци во Малезија, Спидматрикс носи свои сервери и чипови со вештачка интелигенција во Малезија за своите операции. Внесувањето чипови со вештачка интелигенција во Малезија во моментов не бара дозвола или лиценца“, се вели во соопштението на МИТИ.

Сепак, се додава дека Малезија од јули 2025 година бара „секој што сака да извезува, реекспортира, претоварува или транзитира високо-перформансни американски чипови за вештачка интелигенција од или преку Малезија, прво да добие дозвола од МИТИ според Законот за стратешка трговија од 2010 година“.

„МИТИ соработува со Кралскиот малезиски царински оддел за да утврди дали некој од чиповите донесени во Малезија оттогаш е реекспортиран во други земји и дали таквиот реекспорт е извршен во согласност со законот“, се додава во соопштението.

Разјаснувањето на Малезија доаѓа откако Министерството за внатрешни работи на Сингапур соопшти дека нема „доволни докази“ за да се утврди дека Алис Хуанг извршната директорка на Мегаспид, сторила прекршоци поврзани со можните неточни декларации за кои компанијата е под истрага.

Сингапур ѝ забрани на жителката на Хонг Конг, повторно да влезе во земјата откако полицијата процени дека таа свесно дала неточни информации.