Туркије денес ја осуди одлуката на Колумбија да ја премести својата амбасада во Израел од Тел Авив во Ерусалим.

„Со овој чекор се прекршуваат релевантните резолуции на Обединетите нации, особено резолуциите 476 (1980) и 478 (1980) на Советот за безбедност на ОН, и е во спротивност со правните принципи утврдени во советодавното мислење на Меѓународниот суд на правдата“, соопшти турското Министерство за надворешни работи.

„Источен Ерусалим е составен дел од окупираната палестинска територија“, се наведува во соопштението.

Министерството ја повика Колумбија да ја преиспита својата одлука, нагласувајќи дека сите држави мора да се воздржат од мерки што би можеле да го нарушат историскиот и правниот статус на Ерусалим.

„Повторуваме дека воспоставувањето независна, суверена и територијално поврзана Држава Палестина, врз основа на границите од 1967 година, со Источен Ерусалим како нејзин главен град, е единствен начин да се постигне праведен, траен и сеопфатен мир во регионот“, се додава во соопштението.