Мајкрософт во понеделник го претстави својот ВИ акцелератор Maиa од трета генерација, со планови за проширување на распоредувањето на своите чипови од 2027 година и да ги направи примарен систем за инференција во своите производи и услуги.

Компанијата планира да го прошири своето семејство Азуре Маиа (Azure Maia) на капацитети од повеќе гигавати, изјави Скот Гатри, извршен потпретседател на Мајкрософт за облак и вештачка интелигенција.

Инференцијата е процес во кој обучените модели на вештачка интелигенција генерираат одговори на барања.

Mајкрософт очекува Maиa 300 да овозможи 40 проценти повеќе токени по мегават од водечките системи базирани на графичка единица за обработка (ГПУ). Конфигурацијата со 96 акцелератори може да постигне до седум пати поголем проток на токени на ниво на серверска решетка во споредба со Maиa 200, соопшти компанијата.

Maиia 300 ќе биде достапна во производствени средини почнувајќи од 2027 година.

Неговиот претходник, Maиa 200, веќе поддржува производствени работни оптоварувања, вклучувајќи го и Мајкрософт Копилот, и се очекува да биде распореден во ГитХаб Копилот (GitHub Copilot) и Мајкрософт Фаундри (Microsoft Foundry) до крајот на годината.

Новиот систем е дизајниран за работни оптоварувања што вклучуваат заклучоци со долг контекст, временски осетливи разговори и задачи со вештачка интелигенција во повеќе чекори, соопшти Мајкрософт.