Në qytetin e Shkodrës u mbajt koncerti i muzikës së dhomës i Orkestrës Rinore të Ballkanit Perëndimor (WBYO).

Në koncertin e organizuar nga Instituti Yunus Emre (YEE) në Shkodër, muzikantë të rinj nga vende të ndryshme interpretuan vepra të ndryshme, nga veprat e muzikës klasike dhe ato të kompozitorëve turq deri te meloditë tradicionale.

Duke folur në hapje të koncertit, Koordinatori i YEE-së në Shqipëri, Oguzhan Sakoglu, tërhoqi vëmendjen mbi rëndësinë e qasjes së Yunus Emresë, e cila vë në qendër dashurinë, tolerancën dhe njeriun, në veprimtaritë kulturore dhe artistike të Institutit.

Drejtori Artistik dhe dirigjenti i WBYO-së, Desar Sulejmani, falënderoi gjithashtu YEE-në për mikpritjen dhe mbështetjen e ofruar për realizimin e koncertit.

Në koncert, ku morën pjesë muzikantë të rinj nga Türkiye, Shqipëria, Bosnjë e Hercegovina, Kosova, Maqedonia e Veriut, Serbia, Italia, Gjermania, Greqia dhe Ukraina, performuan ansamble të muzikës së dhomës të përbëra nga grupe të ndryshme instrumentesh, si instrumente me tela, instrumente frymore, instrumente frymore prej tunxhi dhe piano.

Koncerti tërhoqi interes të madh nga artdashësit në Shkodër.