| Albanian
RAJONI
1 minuta leximi
Mickoski takohet me përfaqësues të KE-së përgjegjës për zgjerimin, në fokus perspektiva evropiane
Kryeministri i Maqedonisë së Veriut, Hristijan Mickoski theksoi se përcaktimi i vendit për anëtarësim në Bashkimin Evropian është i qartë dhe i padiskutueshëm.
Mickoski takohet me përfaqësues të KE-së përgjegjës për zgjerimin, në fokus perspektiva evropiane
Mickoski takohet me përfaqësues të KE-së përgjegjës për zgjerimin, në fokus perspektiva evropiane / TRT Balkan AL

Kryeministri i Maqedonisë së Veriut, Hristijan Mickoski, në Bruksel ka zhvilluar një takim me drejtorin e përgjithshëm për zgjerimin dhe fqinjësinë lindore në Komisionin Evropian (KE), Gert Jan Koopmani. 

Siç bëri të ditur Mickoski në rrjetet sociale, në fokus të bisedimeve ishin perspektiva evropiane e vendit, përparimi në proceset reformuese dhe hapat e ardhshëm drejt anëtarësimit në Bashkimin Evropian (BE).

"Përcaktimi ynë për anëtarësim në Bashkimin Evropian është i qartë dhe i padiskutueshëm. Maqedonia meriton një të ardhme evropiane, të bazuar në marrëdhënie parimore, respektimin dhe mbrojtjen e interesave kombëtare, si dhe zbatimin e vazhdueshëm të reformave në interes të qytetarëve", deklaroi ai.

Ai theksoi se vendi vazhdon të punojë për zbatimin e agjendës së reformave, ndjekjen e një politike të përgjegjshme dhe realizimin e vizionit për një Maqedoni të Veriut evropiane, stabile dhe prosperuese.

Mickoski ndodhet në Bruksel, ku do të marrë pjesë në Forumin e Zgjerimit të BE-së.

BURIMI:TRT Balkan / agjencitë, TRT Balkan dhe Agjencitë