Kryetari i Kuvendit të Madh Popullor të Türkiyes (TBMM), Numan Kurtulmus priti në takim ministrin pa portofol të Maqedonisë së Veriut dhe kryetarin e Partisë Demokratike Turke, Zulfikar Zejnulla.
Sipas një njoftimi nga Kryesia e Kuvendit, Kurtulmus shprehu kënaqësinë që Zejnulla, pjesëtar i komunitetit turk në Maqedoninë e Veriut, ka marrë një detyrë të lartë në qeveri, ndërsa i uroi suksese në detyrën e re.
Kurtulmus tha se e vlerësojnë faktin që Zejnulla, pas marrjes së detyrës, po e realizon vizitën e tij të parë zyrtare jashtë vendit në Türkiye. Ai shprehu kënaqësinë për nivelin aktual të marrëdhënieve mes parlamenteve të dy vendeve.
Duke theksuar se komuniteti turk në Maqedoninë e Veriut shërben si një urë e rëndësishme në forcimin e marrëdhënieve të miqësisë dhe vëllazërisë mes dy vendeve, Kurtulmus tha se ruajtja e paqes, qetësisë dhe stabilitetit në Ballkan ka rëndësi të madhe për Türkiye.
Ai theksoi se Türkiye do të vazhdojë t'i mbështesë përpjekjet për zhvillimin e besimit të ndërsjellë, dialogut dhe bashkëpunimit mes vendeve të rajonit.
