Një ligj që miraton ratifikimin nga Türkiye të marrëveshjes për mbrojtje të përbashkët me Pakistanin dhe Arabinë Saudite është publikuar në Gazetën Zyrtare të vendit.
Ligji ka të bëjë me "Marrëveshjen e Mekës për Mbrojtje të Përbashkët ndërmjet Republikës së Türkiyes, Republikës Islamike të Pakistanit dhe Mbretërisë së Arabisë Saudite", e nënshkruar më 7 gusht 2026 në Mekë të Arabisë Saudite.
Sipas legjislacionit, ligji hyn në fuqi me publikimin e tij.
Parlamenti turk e miratoi këtë ligj më 5 nëntor, me 279 vota pro dhe 119 kundër. Në votim morën pjesë gjithsej 398 deputetë nga 592 anëtarët e parlamentit.
Türkiye, Arabia Saudite dhe Pakistani nënshkruan Marrëveshjen e Mekës për Mbrojtje të Përbashkët gjatë samitit trepalësh të mbajtur më 7 gusht në Mekë.
Në kuadër të marrëveshjes, të tre vendet u zotuan të forcojnë sigurinë kolektive, të thellojnë bashkëpunimin në fushën e mbrojtjes dhe të promovojnë paqen dhe stabilitetin në rajon dhe më gjerë.
