САД и Кина се договорија да го продолжат своето билатерално трговско примирје – к до 10 јануари, а кое истекуваше во ноември, изјави министерот за финансии Скот Бесент.

„Ќе го продолжиме она што го нарекуваме ’Договор од Бусан‘ – економска деескалација меѓу двете земји што требаше да истече на 10 ноември. Тој ќе биде продолжен до 10 јануари“, рече Бесент.

„Постојат одредени елементи од договорот каде што спроведувањето од кинеска страна не беше совршено, па сакаме да видиме – сега кога седнавме и ги изнесовме нашите очекувања – дали тие можат да бидат малку потемелни во спроведувањето на договорот во текот на наредните месеци“, додаде тој.

Бесент навести дека во наредните денови може да следат дополнителни соопштенија од кинеската делегација, како на пример договори за купување поголеми количества американски земјоделски производи и можни договори во секторот за финансиски услуги.

Ова соопштение уследи по ненајавената средба одржана претходно истиот ден во Вашингтон меѓу Бесент и кинескиот вицепремиер Хе Лифенг.