Иран и Израел разменија остри критики во вторникот, при што Техеран одби да го отвори повторно Ормускиот теснец и да прифати договор за прекин на огнот пред рокот поставен од американскиот претседател Доналд Трамп за исполнување на неговите барања или ќе се соочи со „уништување“.

Иран го отфрли американскиот предлог, посредуван од Пакистан, за итно прекин на огнот и укинување на неговата ефективна блокада на теснецот, по што ќе следат разговори за поширок мировен договор во рок од 15 до 20 дена, според извор запознаен со планот.

Иран го испрати својот одговор на мировниот предлог на САД, во кој се наведени десет услови за траен крај на конфликтот, потврдија американските претставници и иранската државна новинска агенција ИРНА.

Мировниот план на Иран вклучува:

1. Гаранција дека Иран нема повторно да биде нападнат

2. Траен крај на војната, а не само примирје

3. Прекин на израелските напади во Либан

4. Укинување на сите американски санкции

5. Прекин на регионалните конфликти против сојузниците на Иран

6. Повторно отворање на Ормускиот теснец

7. Воведување такса од два милиони долари по брод

8. Поделба на приходите со Оман

9. Воспоставување правила за безбеден премин

10. Користење на приходите за реконструкција наместо за репарации

Преговорите се под силен притисок бидејќи рокот поставен од американскиот претседател Доналд Трамп истекува во вторник вечер. Доколку не се постигне договор, Вашингтон најавува масовни напади врз цивилната инфраструктура на Иран, додека Техеран предупредува на одмазда против енергетските и водните капацитети во земјите од Персискиот Залив.

Американските претставници го нарекоа иранскиот предлог максималистички, додека Трамп рече дека одговорот е „значаен, но недоволен“.

„Им дадов шанса, а тие не ја искористија“, рече тој, додавајќи дека продолжувањето е малку веројатно.

Во исто време, израелскиот премиер Бенјамин Нетанјаху го предупреди Вашингтон против прекин на огнот, според израелски извори.