Администрацијата на американскиот претседател Доналд Трамп разгледува предлог со кој ќе се овласти Пентагон да спроведе проценки на безбедноста на моделите на вештачка интелигенција (ВИ) што ги користат федералните, државните и локалните власти, објави Аксиос во вторник.

Канцеларијата на националниот директор за сајбер безбедност (ONCD) на Белата куќа минатата недела одржа два состанока; еден со фирми за технологија и сајбер безбедност, а друг со групи од технолошката индустрија за решавање на пошироките безбедносни прашања поврзани со напредните системи за вештачка интелигенција, се вели во извештајот.

Вашингтон, исто така, истражува извршна наредба со која би можело да се задолжат повеќе агенции да спроведуваат проценки на безбедноста на новите модели на вештачка интелигенција, според извештајот.

Во извештајот се забележува дека напорите за рамката биле во тек пред објавувањето на „Митос“ на Антропик, предизвикувајќи нови загрижености за сајбер безбедноста.

Официјален претставник на Белата куќа изјави дека секое објавување на политиката „ќе дојде директно од претседателот“ и дека дискусијата за „потенцијалните извршни наредби е шпекулација“.

Откако Антропик го претстави Митос, Белата куќа се обидува да го процени неговиот потенцијал за хакирање и да утврди каква улога треба да игра администрацијата во управувањето со најзначајните ризици за национална безбедност.

Во исто време, Белата куќа разгледува извршни мерки што би им овозможиле на федералните агенции да го заобиколат моменталното ограничување за користење на алатките на Антропик, дозволувајќи им да го усвојат Mитос.