Кошаркарите на Њујорк Никс стигнаа до финалето на НБА лигата, откако го победија Кливленд со 130:93 во четвртиот натпревар од плејофот на Источната конференција.

Кошаркарите на Њујорк стигнаа до финалето на НБА по 27 години со серија од 4:0 во победи против Кливленд. Последен пат Никсите играа во финалето на НБА во 1999 година, кога загубија од Сан Антонио.

Најефикасен во тимот на Њујорк на денешниот натпревар беше Карл-Ентони Таунс со 19 поени и 14 скока, додека Оџи Ануноби додаде 17 поени со седум фатени топки.

Најдобар играч во тимот на Кливленд беше Донован Мичел, кој забележа 31 поен и четири скока.

Кошаркарот на Њујорк, Џејлен Бренсон, беше прогласен за најкорисен играч (MВП) на финалето на Источната конференција на НБА.

Кошаркарите на Њујорк ќе играат во финалето на НБА против победникот од финалето на плејофот во Западната конференција помеѓу Оклахома и Сан Антонио, а моменталниот резултат во оваа серија е 2:2.

Првиот натпревар од финалето на НБА е закажан за 3 јуни.

Никси се стремат кон освојување на својата прва НБА-шампионска титула.