Русија во моментов се подготвува да испрати неколку танкери со дизел гориво како дел од договорот меѓу Москва и Вашингтон, а танкер што транспортира дизел наменет за САД наскоро ќе го напушти пристаништето, изјави рускиот претседател Владимир Путин за време на разговор со Стив Виткоф, специјалниот претставник на американскиот претседател Доналд Трамп.

„Првиот танкер ќе замине за два или три дена, 40.000 тони, и тие ќе одат еден по друг“, рекол Путин на средбата со претставникот на американскиот претседател Стив Виткоф во Санкт Петербург.

Тој изјави дека, откако двете страни објавија дека Русија ќе ги снабдуваат САД, цените на дизелот на светските пазари веднаш паднаа за пет до шест проценти.

„Во моментов подготвуваме испораки во неколку бродови, танкери“, рече Путин, пренесува РИА Новости.

На 9 октомври претседателите на Русија и САД разговараа по телефон, по што Трамп изјави дека е постигнат договор за испораки на дизел гориво од Русија, оценувајќи дека САД се многу задоволни што добиваат руско дизел гориво и дека им е потребно.

Кога станува збор за конфликтот на Блискиот Исток, Путин рече дека руските предлози за решавање на ситуацијата околу Иран се добро познати.

„Имаме посебен, доверлив однос со Иран, со нашите партнери во Иран, бидејќи тој е граден со децении. Ако има нешто што можеме да направиме за да ја решиме оваа криза, со задоволство ќе го направиме. Нашите предлози во оваа област се исто така добро познати“, рекол Путин за време на средбата.

Во таа прилика, како што објави РИА, Путин изразил посебна благодарност до првата дама на САД, Меланија Трамп, за нејзиниот придонес во решавањето на хуманитарните прашања во Украина.

„Би сакал да ве замолам да ги пренесете моите најискрени зборови на благодарност не само до претседателот, туку и до неговата сопруга, првата дама, за нејзиниот придонес во решавањето на хуманитарните прашања“, рече Путин.