Американскиот претседател Доналд Трамп изјави дека САД и Србија имаат добри односи, откако двете земји ја унапредија соработката на ниво на стратешко партнерство.
Трамп одговараше на прашање од медумите пред Белата куќа, каде се осврна и на Стратешкиот дијалог започнат меѓу двете земји при што одговори: „Имаме многу добри односи со Србија“.
САД и Србија потпишаа Меморандум за разбирање за енергетската инфраструктура и регионалната енергетска безбедност како дел од процесот на стратешки дијалог одржан на 17 јули во Вашингтон.
Марко Ѓуриќ министерот за надворешни работи на Србија и Марко Рубио државниот секретар на САД ја отворија првата рунда од Стратешкиот дијалог меѓу Србија и САД во Вашингтон во средината на јули.
