Komuniteti botëror i hapësirës u mblodh sot në qytetin mesdhetar Antalya të Türkiyes për Kongresin e 77-të Ndërkombëtar Astronautik, duke mbledhur së bashku shefat e agjencive hapësinore, astronautët, shkencëtarët, inxhinierët, drejtuesit e industrisë dhe politikëbërësit për të diskutuar të ardhmen e hapësirës.
Kongresi pesëdiitor që zgjat deri më 9 tetor në Qendrën e Kongreseve dhe Ekspozitave NEST në Belek, po mbahet në Türkiyes për herë të parë. Tema e këtij viti është "Bota ka nevojë për më shumë hapësirë".
Më shumë se 10 mijë pjesëmarrës nga mbi 100 vende pritet të marrin pjesë në këtë ngjarje, e cila organizohet çdo vit nga Federata Ndërkombëtare Astronautike (IAF).
I përshkruar shpesh si mbledhja më e madhe vjetore e hapësirës në botë, kongresi kombinon sesione shkencore dhe teknike me ekspozita, takime biznesi dhe diskutime të nivelit të lartë. Programi i këtij viti do të mbulojë tema që variojnë nga eksplorimi hënor, satelitët dhe inteligjenca artificiale deri te siguria hapësinore, qëndrueshmëria dhe bashkëpunimi ndërkombëtar.
Ngjarja ka tërhequr rekord prej 8.330 përmbledhjesh kërkimore nga 108 vende, me mbi se 4.000 prezantime të planifikuara në më shumë se 180 sesione teknike.
Türkiye po pret kongresin nën koordinimin e Ministrisë së Industrisë dhe Teknologjisë, me Agjencinë Turke të Hapësirës si mikpritëse dhe SAHA, një grup turk i mbrojtjes dhe industrisë së hapësirës ajrore si bashkëpritës. Anadolu është partneri global i komunikimit të ngjarjes.
Ngjarja vjen pasi Türkiye nënshkroi Marrëveshjen Artemis në selinë e NASA-s në Washington, DC më 31 gusht, duke u bërë nënshkruesi i 71-të i kuadrit ndërkombëtar që përshkruan parimet për eksplorimin paqësor, transparent dhe të qëndrueshëm të Hënës, Marsit dhe më gjerë.
Të dielën, ministri i Industrisë dhe Teknologjisë, Mehmet Fatih Kacir priti Takimin tradicional të Ministrave dhe Anëtarëve të Parlamentit në Antalya, duke mbledhur ministra, parlamentarë, krerët e agjencive hapësinore dhe përfaqësues të lartë nga 38 vende. Takimi miratoi Deklaratën e Antalyas, një tekst i iniciuar nga Türkiye që bën thirrje për qasje paqësore, të qëndrueshme dhe të përgjegjshme ndaj hapësirës, e cila u miratua nga 32 pjesëmarrës nga 21 vende.
