Arbitri turk me stemën e FIFA-s, Mehmet Turkmen, do ta gjykojë ndeshjen e Grupit 1 të Ligës C të Ligës së Kombeve të UEFA-s, mes Shqipërisë dhe San Marinos.

Sipas njoftimit të Federatës Turke të Futbollit, Turkmen do të jetë arbitër kryesor në ndeshjen që do të zhvillohet nesër në orën 20:45 në stadiumin "Air Albania" në kryeqytetin e Shqipërisë, Tiranë.

Asistentët e Mehmet Turkmen do të jenë Ibrahim Çaglar Uyarcan dhe Anil Usta.

Në këtë ndeshje, Oguzhan Çakir do të jetë arbitri i katërt. Onur Ozutoprak do të jetë në dhomën e sistemit të Ndihmës së Arbitrit me Video (VAR) ndërsa Erkan Engin do të jetë ndihmës i VAR-it (AVAR).