Presidentja e Kosovës, Justina Shiroka-Pula, priti në takim kryeministrin Albin Kurti.

Siç njofton Zyra e Presidentes, gjatë takimit, presidentja Shiroka-Pula shprehu gatishmërinë për bashkëpunim të ngushtë dhe bashkërendim ndërmjet institucioneve, në shërbim të qytetarëve dhe të interesave të vendit.

Kryeministri Kurti e falënderoi presidenten për gatishmërinë për ta marrë këtë përgjegjësi dhe i uroi suksese në detyrë.

Kurti shprehu përkushtimin për të bashkëpunuar me të në përmbushjen e detyrave kushtetuese dhe në çështjet me rëndësi për Republikën e Kosovës.

Ky është takimi i parë i presidentes Shiroka-Pula pas marrjes së detyrës së presidentes zyrtarisht me kryeministrin Kurti.