Скока со падобран, лета со авион и параглајдер, скија, нурка, се качува по карпи. Накусо кажано Јане Стефанов е љубител на адреналин и убава природа. Убавината на слободниот пад од огромна височина е она што ја одржува страста на Јане Стефанов кон падобранството веќе 35 години.

„Од 16 години скокам од авион. Тоа е тоа што мене ме возбудува, мене ми прави добро да се чувствувам. Ова лето имавме еден многу многу добар скок  на Галичица каде што во слободен пат ги гледаш двете езера. Од едната страна е Магаро од другата е Лако Сигној. И ти паѓаш со бризина од 200 километри на час. Таа глетка не може никој да ја долови. Таа може само да се доживее”, вели Стефанов во разговор за ТРТ Балкан.

Љубовта кон височините веројатно е наследна. Пред десетина дена Јане и ја оствари роденденската желба на неговата мајка. Тандем скок со падобран за 78 роденден.

 Инструктор е по падобранство, а лета и со авион. Му недостасуваат уште педесетина часови за да стане инструктор за летање со ултра лесни летала. 

„Кога ќе влеземе во авион јас на пример уживам да одам во правец накај Попова Шапка, Матка, околу Солунска глава, затоа што таму е прекрасна природа каде што непречено може да летаме со авионите и да уживаме во тој предел”, вели Стефанов.

Летото заедно со Љубомир Нетков направија вистински подвиг. За 24 часа минаа стотици километри во девет адреналински дисциплини меѓу кои возење со авион, падобран, параглајдер, нуркање, качување по карпи ...

Јане е активен на спортски план и со луѓето со попреченост. Учествуваше и во подготовките во скијање на македонските параолимпијци. 

„Ние пред некоја година научивме две слепи лица да скијаат. И јас не верував дека може, но со добар систем и многу работа можат да се научат и слепи лица да скијаат”, објаснува тој.