На новинарите во Скопје им беа претставени „турските вкусови”. На настанот организиран во хотел од страна на Канцеларијата на советникот за култура и промоција при Амбасадата на Туркије во Скопје присуствуваа македонски новинари.
Новинарите на настанот имаа можност одблиску да се запознаат со богатата кулинарска култура на Туркије и да ги вкусат традиционалните специјалитети.

„Турската кујна е заедничко наследство меѓу Северна Македонија и Туркије“ -
Советникот за култура и промоција при турската амбасада, Енес Оздемир, во своето обраќање потсети дека годинава Неделата на турската кујна се организира под темата „Наследство на една трпеза“.

„Турската кујна е заедничко наследство меѓу Северна Македонија и Туркије. Имаме многу слични јадења и кујна. Нашата кулинарска култура е колективно наследство обликувано низ вековите преку заедничко производство и заеднички животни искуства.“, рече тој.