Претседателот на Големото народно собрание на Туркије, Нуман Куртулмуш, во Рим се сретна со претседателот на македонското Собрание, Африм Гаши.

На средбата, одржана во рамките на Европската конференција на претседатели на парламенти во Претставничкиот дом на Италија, Куртулмуш истакна дека односите меѓу двете земји се на одлично ниво и нагласи дека турската заедница во Северна Македонија претставува силна врска меѓу двете земји.

Посочувајќи дека Туркије, како и во случајот со сите балкански земји, не ги одвојува безбедноста и стабилноста на Северна Македонија од сопствените, Куртулмуш истакна дека Туркије и во иднина ќе продолжи да ја поддржува Северна Македонија преку сите свои институции, како што тоа го правела и досега.

На средбата присуствуваа и генералниот секретар на Групата за парламентарно пријателство Туркије-Италија и пратеник на Партијата на правдата и развојот (АК партија) од Истанбул, Јахја Челик, членката на турската делегација во Парламентарното собрание на Советот на Европа (ПССЕ) и пратеничка на Партијата на национално движење (МХП) од Чанкери, Пелин Јилик, членот на Групата за парламентарно пријателство Туркије-Италија и пратеник на Добрата партија (ИЈИ партија) од Истанбул, Бурак Акбурак, како и амбасадорката на Туркије во Рим, Елиф Чомоглу Улген.