Земјотрес со јачина од 7 степени по Рихтер го погоди кинескиот регион Тибет во четврток вечерта, при што загинале 16 лица, а 32 се повредени, објави државната новинска агенција Ксинхуа.

Ова е најсилниот земјотрес што ја погодил кинеската почва од јануари 2024 година. Од 32 повредени, 11 моментално се во сериозна состојба.

Епицентарот на земјотресот бил на длабочина од 10 километри во ретко населениот високопланински округ Нагку во северен Тибет. Епицентарот бил на околу 400 километри од тибетскиот главен град Ласа.

Локалните противпожарни и спасувачки екипи се мобилизирани и се упатуваат кон погоденото подрачје, објавија државните медиуми.

Податоците од Кинескиот центар за земјотреси (ЦEНЦ) покажуваат дека по најсилниот земјотрес, во околните области се регистрирани голем број помали земјотреси, со јачина помеѓу 3 и 4 степени.

Пред шеснаесет години, земјотрес со магнитуда од 7,1 степени по Рихтер го погоди Јушу, во соседната покраина Ќингхај, при што загинаа најмалку 2.698 луѓе, а речиси 300 се водат како исчезнати.