Ministrat e Punëve të Jashtme të Türkiyes dhe Pakistanit zhvilluan një bisedë telefonike për të diskutuar mbi procesin e bisedimeve mes ShBA-së dhe Iranit.
Sipas burimeve diplomatike, ministri turk Hakan Fidan dhe ai pakistanez Ishaq Dar shqyrtuan gjendjen aktuale të bisedimeve dhe shkëmbyen informacione mbi përpjekjet e Türkiyes dhe Pakistanit për të ndihmuar palët drejt arritjes së një marrëveshjeje.
Raundi i dytë i bisedimeve të paqes mes ShBA-së dhe Iranit në Islamabad, i cili fillimisht pritej të mbahej gjatë fundjavës, është shtyrë. Raundi i parë u zhvillua më 11 prill në kryeqytetin pakistanez Islamabad, por përfundoi pa marrëveshje.
Një armëpushim dyjavor i ndërmjetësuar nga Pakistani më 8 prill u zgjat mbrëmë, derisa Irani të paraqesë një plan të ri për t’i dhënë fund përfundimisht luftës që nisi më 28 shkurt.
