Ministria e Punëve të Jashtme e Türkiyes ka kritikuar politikat e Greqisë ndaj pakicës turke në Trakinë Perëndimore, duke theksuar se të drejtat e tyre sipas Traktatit të Paqes së Lozanës po injorohen.

Ministria turke tha se Greqia “në mënyrë të vazhdueshme injoron të drejtat dhe liritë” e pakicës duke mos njohur myftinjtë e tyre të zgjedhur.

Ajo gjithashtu ngriti shqetësime për zhvillimet e fundit, duke deklaruar se procesi i emërimit të një myftiu në Didymoteicho u zhvillua “nën maskën e zgjedhjeve” pa konsultuar përfaqësuesit e pakicës. 

Ministria turke tha se praktika të ngjashme po tentohen edhe në Rhodope dhe Xanthi.

“Ne nuk mund t’i pranojmë këto praktika”, theksohet më tej.

Ministria turke i bëri thirrje komunitetit ndërkombëtar të marrë parasysh se Greqia “nuk njeh liderët fetarë të zgjedhur të një pakice zyrtare në territorin e saj”.

Ajo tha se përfundimi i asaj që e cilëson si “praktika represive” do të ndikonte pozitivisht në marrëdhëniet dypalëshe.

“U bëjmë thirrje autoriteteve greke që të kthehen nga rruga e gabuar”, shtohet më tej.

Ankaraja, theksohet më tej, do të vazhdojë ta monitorojë nga afër mbrojtjen e të drejtave të pakicës në përputhje me detyrimet e saj.