Presidenti i Polonisë, Karol Nawrocki, ka nënshkruar Marrëveshjen për Sigurimet Shoqërore mes Shqipërisë dhe Polonisë, duke hapur rrugën për zbatimin e saj.

Marrëveshja u garanton shtetasve shqiptarë që jetojnë dhe punojnë në Poloni njohjen e periudhave të sigurimit dhe të punës, si edhe transferimin e kontributeve shoqërore mes dy vendeve.

Ministria për Evropën dhe Punët e Jashtme e Shqipërisë e mirëpriti marrëveshjen dhe e cilësoi një hap të rëndësishëm për mbrojtjen e të drejtave sociale të qytetarëve shqiptarë jashtë vendit.

Polonia i shtohet listës së vendeve me të cilat Shqipëria ka lidhur marrëveshje të ngjashme, përfshirë Italinë, Gjermaninë, Austrinë, Belgjikën, Francën, Zvicrën, Hungarinë dhe Kanadanë.