Presidenti i Türkiyes, Recep Tayyip Erdoğan, u takua të mërkurën me drejtues të lartë të industrive të teknologjisë, elektronikës, bioteknologjisë dhe kimisë të Koresë së Jugut, gjatë vizitës së tij zyrtare në Seul.

Në takim, i cili u zhvillua në hotelin ku po qëndronte Erdoğan, morën pjesë drejtori ekzekutiv i LG Electronics, Lyu Jae-cheol, drejtori ekzekutiv i Celltrion, Seo Jin-seok, drejtori ekzekutiv i SK Chemicals dhe SK Plasma, Jaehyun Ahn, si dhe drejtori ekzekutiv i Hyundai Motor Group, Chung Euisun, së bashku me delegacionet e tyre.

Erdogan priti gjithashtu drejtorin ekzekutiv të Samsung Electronics, Roh Tae-moon, kryetarin e Chemtronics Wits, Kim Bokyun, dhe zëvendëspresidentin e Korporatës së Energjisë Elektrike të Koresë (KEPCO), Chan-hyuk Chun, të shoqëruar nga delegacionet përkatëse.

Në delegacionin turk morën pjesë ministri i Energjisë dhe Burimeve Natyrore, Alparslan Bayraktar, ministri i Industrisë dhe Teknologjisë, Mehmet Fatih Kacir, nënkryetari i Partisë për Drejtësi dhe Zhvillim (AK Parti), Halit Yerebakan, presidenti i Zyrës së Investimeve të Türkiyes, Ahmet Burak Dağlıoğlu, këshilltari i lartë për politikën e jashtme, Akif Çağatay Kılıç, si dhe këshilltari i lartë Zafer Çubukçu.