Anëtarët e Konfederatës së Sindikatave të Pavarura të Bullgarisë (KNSB) organizuan protestë në kryeqytetin Sofje, duke kërkuar rritje më të madhe të pagave në buxhetin e vitit 2027. 

Mijëra anëtarë të sindikatave, të cilët morën pjesë në protestën e organizuar pranë ndërtesës së parlamentit në Sofje, kërkuan rritjen e pagës minimale dhe rritjen me 10 për qind të pagave të punonjësve të sektorit publik.

Protestuesit mbanin pankarta me mbishkrimet “Rritje prej 10 për qind”, “Mësues të vlerësuar, fëmijë të lumtur”, “Pagë dinjitoze”, “Të mbrojmë të ardhurat dhe vendet tona të punës në kohë krize” dhe “T’i japim fund varfërisë së punonjësve”.

Ndër kërkesat kryesore të KNSB-së ishte edhe ndarja e fondeve shtesë për arsimin parashkollor dhe shkollor, administratën publike, shëndetësinë, transportin dhe komunikacionin, kulturën, bujqësinë dhe mjedisin.

Protesta, gjatë së cilës policia mori masa të gjera sigurie, vazhdoi me një kolonë automjetesh në bulevardet dhe rrugët kryesore të kryeqytetit.